Kordon şəhərindəki KFC-də oğlu və qohumu ilə birlikdə axşam yeməyi yeyən 49 yaşlı kişi iddia edir ki, o, çips yediyi əsnada qabın içindən uşaq dişi çıxıb.

Kuş Uilson adlı kişi çips yeyən zaman ağzında bərk cismin olduğunu hiss edib. O, dərhal cismi çıxarıb və onun diş olduğunu görüb.

O, satıcılara müraciət edib. Kassirlər bildiriblər ki, belə hal ola bilməz. Kassirlər kişiyə pulunu geri qaytarmağı təklif ediblər.

Daha sonra kişinin qohumu "Evening Standard"a müraciət edib. O, başına gələnləri danışıb.

"Evening Standard" məsələ ilə bağlı KFC-dən açıqlama alıb. Şirkətdən bildirilib ki, onlarda gigiyenik qaydalara əməl olunur. Biz heç vaxt belə bir halla qarşılaşmamışıq. Biz dişə baxmaq istədik, lakin alıcı özü ilə aparıb gedib".