XalqXəbər.Az

www.XALQXEBER.az » Sosial » Yol polisi qərarsız protokolları sildi

Yol polisi qərarsız protokolları sildi

Yol polisi qərarsız protokolları sildi
19-01-2018, 10:18

Yol polisi ölkə ərazisində həm stasionar postlarda, həm də küçə və yollarda nəzarəti gücləndirib.

Buna səbəb cəriməsi olan, amma sistemdə qərarsız kimi görünən, yəni sürücüyə çatdırılmayan elektron protokolları olan sürücülər saxlanılması və cərimə qərarı rəsmi qaydada onlara təqdim etməsidir.

Məsələ ilə bağlı Baş Dövlət Yol Polisi İdarəsinin mətbuat xidmətinin rəhbəri, polis polkovniki Kamran Əliyev bildirib ki, kimsə zənn etməsin ki, bir il gizlənməklə cərimə ödəməkdən yaxa qurtara biləcək.

“Hətta vaxtın tamam olmasına bir gün qalsa belə, həmin sürücünü tapıb, protokolları təqdim edib, qərar qəbul etmək mümkündür. Qanunvericilikdə konkret göstərilir ki, bir il müddətində qərar çıxarılmırsa, inzibati işə xitam verilir. Lakin inzibati xətanı törətmiş şəxs bilərəkdən qaçıb gizlənirsə, o halda bu müddətin axımı dayanır”.

Polis polkovniki əlavə edib ki, 2012-ci ildən bu günə qədər Mərkəzi Məlumat Sistemində qərarı verilməyən bütün elektron protokollara xitam verilib.

XalqXeber.Az

Materiallardan istifadə edərkən sayta mütləq istinad olunmalıdır. Bütün hüquqlar qorunur.