XalqXəbər.Az

www.XALQXEBER.az » Sosial » TANINMIŞ KLİNİKANIN SAVADSIZ HƏKİMLƏRİ - N.Tusi adına klinikadan- ŞİKAYƏT

TANINMIŞ KLİNİKANIN SAVADSIZ HƏKİMLƏRİ - N.Tusi adına klinikadan- ŞİKAYƏT

TANINMIŞ KLİNİKANIN SAVADSIZ HƏKİMLƏRİ - N.Tusi adına klinikadan- ŞİKAYƏT
4-12-2017, 16:16

Son zamanlar özəl klinikalara müraciət edənlərin hüquqlarının pozulmasının şahidi oluruq. Mütamadi olaraq bu cür şikayətləri diqqətinizə çatdırırıq. Bu dəfə isəBakı şəhəri, Binəqədi rayonunda yaşayan Könül Zeynalova TİA.AZ-a qarşılaşdığı özbaşınalıqdan danışdı. Uzun muddət onurğa sütununda yaranmış problemdən əziyyət çəkən K. Zeynalova İsraildən tanınmış həkim dəvət etmiş özəl klinikaların birinə müraciət edib. Hər şey bundan sonra başlayır: “ Həmin həkim mənə bildirdi ki, müalicə almağım üçün MRT müayinəsindən keçməliyəm. Həkimin verdiyi arayışla 13.04.2015-ci il tarixində N.Tusi adına özəl klinikaya müraciət etdim.N.Tusi adına klinikaya daxil olan kimi nəzarətçi qolumdan tutub məni ödəniş etmək üçün zorla kassaya apardı. Bu günə qədər bir çox özəl klinikalarda olmuşam, lakin bu cür davranış görməmişdim. Məlum oldu ki, MRT üçün klinikaya 607 manat ödəniş etməliyəm. Lakin buna imkanım çatmadığı üçün, xahiş etdim və 150 manat endirimlə, 457 manat ödədim. Klinikada 5-6 saat gözlədikdən sonra çəkilişlər edildi.
MRTmüayinəsindən keçmək üçün həkim mənə anasteziya inyeksiyasını damara vurarkən səhvən əzələyə düşdü və qolum şişdi. Həkimlər təcili qolumu sarıdılar. Nəticədə bu günə qədər barmaqlarımı hərəkət etdirə bilmirəm. Beləliklə MRT şəkilləri çəkildi. Bəzi problemər üzündən və həmin ərəfədə anam dünyasını dəyişdiyi üçün müalicəmi bir müddətə dayandırmalı oldum. Bu vaxt ərzində israilli həkim öz ölkəsinə geri döndü.Bir müddət sonra Bakıdakı Koreya Şərq təbabəti klinikasına müraciət etdim.
Koreyalı həkim mənim N.Tusi adına klinikada “MRT” çəkilmiş filmlərə baxdıqda çox təəccübləndi və bildirdi ki, filmlər kiçik yaşlı uşağın cızma-qarasına oxşayır və heç nə oxunmur. Həkim belə nəticəyə gəldi ki, çəkiliş zamanı tərpəniş olub və ya mütəxəssis yaxşı olmayıb. Buna görə də həkim tövsiyyə etdi ki, yenidən “MRT” çəkilişi etdirim. “MRT”filmlərinin yenilənməsi məqsədi ilə N.Tusi adına klinikaya yenidən zəng etdim və vəziyyəti bildirdim.Telefon zənginə cavab verən əməkdaş mənə hədə- qorxu gəldi və “Əgər sən bura gəlsən həkimlər səni parçalıyacaq, çünki sən şikayət edirsən” ifadəsini işlətdi. Buna baxmayaraq, mən sakit halda klinikanın əməkdaşından xahiş etdim ki, məni həkimlə əlaqələndirsin. Lakin bu günə qədər zənglərim cavabsız qalır və ya kobud sözlərlə qarşılaşıram.Məsələ ilə bağlı İqtisadiyyat Nazirliyinə şikayyət etdim və mənə yazılı surətdə cavab verildi.
Cavabda bildirlirdi ki, şikayətiniz dövlət xidməti tərəfindən qanunvericiliyə uyğun olaraq araşdırılmışdır və müəyyən olunmuşdur ki, mənim tərəfimdən N.Tusi adlı klinikaya bu məsələ ilə əlagədar yazılı və ya şifahi şəkildə müraciət edilməyib, həmçinin “MRT”filmlərinin saxlanılma şəraitinə düzgün əməl olunmadığından yararsız hala düşə biləcəyini bildirmiş və bu barədə mənə ətraflı məlumat verilmişdir.Bir daha qeyd edirəm kı, klinika “MRT”filmlərinin çəkilişini düzgün aparmayıb.Müalicəmi davam etdirmək üçün yeni “MRT”çəkilişlərinin olması lazımdır ki, buna da, mənim imkanım yoxdur.01.11.2017-ci il tarixində mənim mobil telefonuma zəng olundu. Zəng edən şəxs (050) 291-57-89 nomrədən zəng vurmuşdur. Özünü N.Tusi adına klinikanın baş həkimi kimi təqdim etdi. Adının Afət xanım, soyadının Məhəmmədlı olduğunu bildirdi. Danışığının heç bir müsbət nəticəsi olmadı. Mənin pulumu aldılar, “MRT” çəkdilər, amma heçnə oxumaq olmadı, şikayət edəndə də, dedilər ki, həkimlər səni parçalayar.”

TİA.AZ

XalqXeber.Az

Materiallardan istifadə edərkən sayta mütləq istinad olunmalıdır. Bütün hüquqlar qorunur.