Bakı Ağır Cinayətlər Məhkəməsində bir neçə şəxsin adına kredit götürüb “Topaz”da uduzan Beynəlxalq Bankın "Qaradağ" filialının kredit şöbəsinin baş mütəxəssisi Elnur Hüseynovun, Azər İsmayılovun və Aqilə Piriyevanın cinayət işi üzrə məhkəmə prosesi davam etdirilib.

Hakim Azad Məcidovun icraatında olan prosesdə cəza istənilib.

Dövlət ittihamçısı çıxış edərək E.Hüseynovun 12 il, A.İsmayılovun 2 il, A.Piriyevanın 1 il müddətinə azadlıqdan məhrum edilməsini istəyib.

E.Hüseynov barəsində həbs qətimkan tədbiri seçilsə də, digər iki şəxs azadlıqda qalıb.