Müəllimlərin işə qəbulu üzrə müsahibə mərhələsində saxta diplomlar aşkarlanıb.

Nazirliyin saytına istinadən xəbər veririk ki, müsahibə mərhələsinin başladığı bu müddət ərzində artıq 11 saxta diplom aşkarlanıb.

Avqustun 21-dən etibarən müəllimlərin işə qəbulu üzrə müsabiqənin müsahibə mərhələsi başlayıb. 5225 nəfərin buraxıldığı həmin mərhələdə bu günədək artıq 3000-dən çox namizəd müsahibədən keçib.

Müsahibə mərhələsi avqustun 26-da başa çatacaq.