SON DƏQİQƏ
XalqXeber.Az » Sosial » MEK-STANDARTLAR VƏ YENİ YANAŞMALAR” KİTABI OXUCULARIN İSTİFADƏSİNƏ VERİLİB

MEK-STANDARTLAR VƏ YENİ YANAŞMALAR” KİTABI OXUCULARIN İSTİFADƏSİNƏ VERİLİB

Tarix:

1-02-2017, 12:00

/ 1 422 dəfə oxundu.
MEK-STANDARTLAR VƏ YENİ YANAŞMALAR” KİTABI OXUCULARIN İSTİFADƏSİNƏ VERİLİB

AMEA Mərkəzi Elmi Kitabxanasına daxil olan yeni nəşrlərdən biri də Azərbaycanın tanınmış jurnalisti, Azərbaycan Dövlət İnformasiya Agentliyinin (AZƏRTAC) baş direktoru Aslan Aslanovun “İnformasiya yaradıcılığı: standartlaşdırma və yeni yanaşmalar” dərsliyidir. 2016-cı ildə Bakıda nəşr edilən kitabın elmi redaktoru professor Cahangir Məmmədli, redaktoru filologiya üzrə fəlsəfə doktoru Elşən Şahbalayev, rəyçilər akademik Rəfael Hüseynov, professor Nizami Cəfərov, professor Həmid Vəliyevdir.
Kitab Bakı dövlət Unversitetinin Jurnalistika fakültəsinin Elmi Şurasının, universitetin Elmi-Metodik Şurasının və Nəşriyyat Şurasının 2016-cı il tarixli qərarları ilə ali məktəblər üçün dərslik kimi təsdiq edilib. Nəşr dörd fəsildən ibarətdir. İnformasi Agentlikləri, qloballaşan dünyada informasiya axını, müasir informasiyanın işlənmə və yayılma problemləri, informasiya işində ənənə və müasirlik, informasiya agentliklərinin beynəlxalq və regional təşkilatları fəsillərində toplanan araşdırma və tədqiqatlar böyük informasiya agentliklərinin peşəkar təcrübələrinə dayanaraq jurnalistikanın başlıca prioritetini təşkil edən xəbər hazırlanması istiqamətlərini müəyyən edir. Xəbərin əldə edilməsi, hazırlanması, ictimaiyyətə çatdırılması, ənənəvi və müasir medianın şəbəkə şəklində fəaliyyəti ilə bağlı nəzəri fikirlər də dərslikdə öz əksini tapıb. Sözügedən kitabda informasiya agentliklərinin birləşdiyi beynəlxalq təşkilatlar, müxtəlif qurumlarda onların təmsil olunması barədə nəzəri bilgilər ortaya qoyulur.
Kitabda Aslan Aslanovun peşəkar jurnalist kimi topladığı təəcrübələr də öz əksini tapıb.
Dərslik ali məktəblərin müvafiq fakültələri, mətbuat işçiləri, tarixçilər, jurnalistlər, politoloqlar üçün nəzərdə tutulub.

Şərhlər

XƏBƏR LENTİ