XalqXəbər.Az

www.XALQXEBER.az » Sosial » Azərbaycanda 7 məmur vəzifəsindən azad edilib

Azərbaycanda 7 məmur vəzifəsindən azad edilib

Azərbaycanda 7 məmur vəzifəsindən azad edilib
22-07-2017, 10:24

Bu ilin birinci yarısında fəaliyyətində yol verdikləri ciddi qanun pozuntularına və digər neqativ hallara görə üç nəfərin ədliyyə orqanlarında qulluğuna xitam verilib, yeddi nəfər isə tutduğu vəzifədən azad edilib.

Ədliyyə Nazirliyindən verilən məlumata görə, bu barədə nazirlikdə məhkəmə qərarlarının icrası vəziyyətinin müzakirəsinə həsr olunmuş geniş müşavirədə deyilib.

Müşavirədə o cümlədən, xidmətin 20 əməkdaşının intizam məsuliyyətinə cəlb olunduğu vurğulanıb, bəzi icra məmurları tərəfindən vəzifə borclarına laqeyd münasibət bəslənilməsi, icra intizamının, etik davranış qaydalarının pozulması, işlərin hərəkətsiz saxlanılması halları və digər nöqsan və çatışmazlıqlar icra qurumlarının rəhbərlərinin nəzərlərinə çatdırılaraq onların aradan qaldırılması tələb edilib.

XalqXeber.Az

Materiallardan istifadə edərkən sayta mütləq istinad olunmalıdır. Bütün hüquqlar qorunur.