Ötən gün xalq artisti Brilliant Dadaşovanın instaqramda erməni qarmon ifaçısı Varujan Şahbazyanın paylaşımlarına müsbət rəy yazması müzakirələrə səbəb olub.

Xalq artisti sosial şəbəkə istifadəçilərinin qəzəbinə tuş gəlib. Onlar erməni təxribatı nəticəsində həlak olan Zəhra və nənəsini xatırlayaraq Dadaşovanı sərt tənqid ediblər.

Maraqlıdır ki, sənətçi etdiyi hərəkətə aydınlıq gətirmək əvəzinə qəribə addım atıb. O, öncə Şahbazyana yazdığı tərif şərhlərini silib, daha sonra isə rəsmi instaqram hesabındakı adını dəyişib.

Müğənni bununla da demək istəyib ki, mövzu ilə bağlı heç bir əlaqəsi yoxdur.