"O Ses Türkiye" böyük bir sürprizə imza atmağa hazırlaşır. Acun Ilıcalının Murat Boz istisna olmaqla "O Ses Türkiye"nin münsiflər heyətini dəyişdirəcəyi gözlənilir.

Sibel Can, Hadisə, Gökhan və Hakan Özoğuz qardaşların yerinə yeni adlar düşünüldüyü, hətta ilk təklifin Yıldız Tilbeyə edildiyi ortaya çıxıb.

Yayılan söz-söhbətlərə görə, milyonların rəğbətini qazanan Yıldız Tilbeyə təklif artıq çoxdan göndərilib və o da bu təklifi müsbət dəyərləndirib. Dəyişiklikdən xəbər tutan Hadisənin isə əhvalı pozulub. Yeni albomunun adını belə "Çempion" qoyan Hadisənin dünən axşam bu xəbəri alınca çox məyus olduğu deyilir.

"Survivor 2017"nin Kiprdə keçirilən final gecəsində Acun "O ses Türkiye"nin son çempion münsifi Hadisədən incidiyini etdiyi şərh ilə dilə gətirməyi də unutmayıb: "Hadisə söz vermişdi ki, bu sezon "O ses Türkiye"nin qalibi olsa, iştirakçısı ilə "Survivor"a gələcək. Amma sözünü tutmadı. Onun niyə belə addım atdığını anlamadım. Özü də bu vaxta qədər heç bir açıqlama vermədi".