Amerikalı məşhur aktrisa Ancelina Coli Türkiyədə baş verən zəlzələlərdən sonra Türkiyə və Suriya üçün yardım çağırışı edib.

Kult.az xəbər verir ki, aktrisa bununla bağlı sosial şəbəkədə paylaşım edib.

Coli İnstaqram hesabında Suriyada axtarış-xilasetmə işləri aparan əməkdaşın videosunu və xeyriyyə kampaniyasının linkini paylaşıb.

"Ürəyim Suriya və Türkiyə xalqının yanındadır. Bir çox ailənin çəkdiyi ağlasığmaz ağrıları anlamaq çətindir. Ümid edirəm ki, başqaları da ianə etməyi düşünər”, - paylaşımda qeyd edilib.