İllərdir ki, bir-birini görməzlikdən gələn, dostluq münasibətlərinə nöqtə qoyan xalq artisti Brilliant Dadaşova ilə əməkdar artist Abbas Bağırov barışıb.

5 il bundan əvvəl başlanan qalmaqal sona çatıb. Bu barışığı Bağırov şəxsi instaqramda hesabında paylaşdığı foto ilə təsdiqləyib.

Şəkil bir neçə gün bundan əvvəl Heydər Əliyev adına Sarayda təşkil olunan konsert proqramında lentə alınıb.

Fotoda hər iki məşhurla yanaşı, xalq artisi Ənvər Sadıqov da yer alıb.

Qeyd edək ki, Dadaşova və Bağırov arasında “müharibə” “Aləm gözəl” mahnısı üstündə yaranmışdı. Abbas Anar Məmmədovun layihəsi olan mahnının onun üçün hazırlandığı iddia etmiş, xalq artisti isə bəstəni müğənni Ramal İsrafilovun onun üçün yazdığını söyləmişdi.