“Mən sarı və qızılı ilə başladım. Amma gələn il it ilidir, özü də dəbli it. Görürsüz? Arxaya yox, önə baxmaq lazımdır. İt qara idi, indi qızılı olub. Əminəm ki, hamıya düşərli olacaq”.

Bu sözləri əməkdar artist Röya Ayxan ötən gün iki məşhur müğənni – İradə İbrahimova və Nigar Camalla yaşadığı qalmaqaldan yazarkən bildirib.

O, instaqramda üç paylaşım edərək söhbətin birdəfəlik bağlanmasını istəyib:

“Mənimlə işiniz olmasın, dəli adamam. Gərək kağız göstərim? (gülür) Mənim nə onunla, nə də bununla işim var. Heç ola da bilməz. Mən bu günə kimi durduq yerə kiməsə söz deməmişəm. Özləri aldanıb, 200 min verib iş görə bilməyiblərsə, günah mənim deyil. Türkdə ərdə olan xanım türkü əzə bilməz. Bəs niyə övladı var? Yeri gəlsə sizə görə həyasız mənəm. Amma Nigarın camaat içində Anara bağıraraq “Bunu niyə çağırmısan?” deməsi normaldı. Söhbəti bağlayın, çürükçülüyü sevmirəm”.