Əməkdar artist Elza Seyidcahan cəsarətli açıqlamalarla yadda qalıb. O, aktrisa kimi özünü sınamaq istəyir. Elza Seyidcahan hətta yataq səhnələrində çəkilə biləcəyini də deyir.
xalqxeber.az xəbər verir ki, müğənni bu barədə baku.ws-ə açıqlamasında bildirib.
"Sənət olan yerdə hər şey bağışlanar. Rejissorun əgər ssenarisində varsa, çəkilərəm. Əgər orada sənət varsa razı olardım, yatağa da girərdim. Məsələn "Təhminə" filmi, yazıçı Anarın "5 mərtəbəli evin 6-cı mərbəsi" o vaxtı necə yazılıbsa, indiyə qədər də yadda qalıb. Türk seriallarındakı kimi komedik rolda yox, samballı obrazda çəkilə bilərəm. Mən aktyorları, teatrı çox sevirəm. Allaha şükür edirəm ki, mənə təbii gözəllik verib. Əgər rejissor olsaydım, plastik əməliyyat etdirmiş artisti kinoda çəkməzdim".

Əməkdar artist özünü digər aktrisalardan da üstün tutmadığını deyib: "Bizim Hökümə Qurbanova kimi aktrisalarımız olub. Bu yaxınlarda Amaliya Pənahova Bakı Bələdiyyə Teatrının 25 illik yubileyini qeyd etdi. Bu günə kimi ona heyranam. Mən onun enerjisini hiss etmişəm. Onların sənətlərinə baxaraq teatrı sevmişəm".