XalqXəbər.Az

www.XALQXEBER.az » Şou-Biznes » Aygün Kazımovaya qadağalar qoyuldu

Aygün Kazımovaya qadağalar qoyuldu

Aygün Kazımovaya qadağalar qoyuldu
7-11-2017, 13:45

Azərbaycanın məşhur estrada müğənnisi Aygün Kazımova bu il beynəlxalq mükafatlandırma mərasimi olan “DAF BAMA MUSİC AWARDS”da iştirak edə bilməyəcək. Buna səbəb xalq artistinin keçirdiyi estetik əməliyyatlardır.

Plastik-rekonstruktiv cərrah, tibb üzrə fəlsəfə doktoru Dilqəm Məhərrəmov sənətkarın səhhətini qoruması üçün Aygün Kazımovaya bir sıra qadağaların qoyulduğunu və hələ bir müddət uzaq məsafələrə gedə bilməyəcəyini açıqlayıb: “Aygün xanımın 2 həftə əvvəl keçirdiyi müxtəlif bədən şəkilləndirilməsi əməliyyatlarından sonra özünü əməliyyatdan sonrakı dövrə uyğun əla hiss edir. Əməliyyat sahələri birincili sağalmışdır. Lakin buna baxmayaraq, əməliyyatın xarakterinə və protokoluna uyğun olaraq hələ bundan sonra 6 həftəyə qədər ilkin reabilitasiya dövrünə əməl etmək lazımdır. Belə ki, hazırda Aygün Kazımovanın uzaq səfərlərə getməsi, aktiv şəkildə idman məşqlərinin etməsi, avtomobil idarəsi etməsi ona qadağan olunub.

Aygün Kazımovanın üzərində 3 növ cərrahi əməliyyat icra olunub. Bunlardan ikisi tam yeni, biri isə əvvəl aparılmış cərrahi əməliyyatın yenilənməsidir.

Bir Aygünümüz var, onu qorumalıyıq. Onsuz da gözəl olan Aygün xanım öz gözəlliyinə yenə gözəllik əlavə etmişdir!”. Modern.az

Qeyd edək ki, ötən il Aygün Kazımova ilk Azərbaycan müğənnisi kimi Almaniyada keçiriləm “DAF BAMA MUSİC AWARDS”da iştirak edib və “Azərbaycanın ən yaxşı qadın sənətçisi” mükafatına layiq görülüb. Bu il də beynəlxalq tədbir Azərbaycandan məhz Aygün Kazımovanı öz mükafatlarına namizəd görüb.

XalqXeber.Az

Materiallardan istifadə edərkən sayta mütləq istinad olunmalıdır. Bütün hüquqlar qorunur.