“Qurd” ləqəbi ilə tanınan tanınmış repçi Fərid Eminovun başına iş gəlib. Gənc ifaçı Bakıda itlərin hücumuna məruz qalıb.

Bu barədə "Qurd"un özü instaqram səhifəsində məlumat yayıb:

“İtlərin hücumuna məruz qaldıq. Vaksin vurulub, qorxmayın. 6 itdən 1-nin boynunu sındıra bildik”.

***

Hadisənin təfərrüatını öyrənmək üçün reperlə əlaqə saxladıq O, hücumun ötən gün baş verdiyini söyləyib:

“Hadisə 5-ci gündən 6 günə keçən gecə saat 23:00 radələrində olub. Genəşli ərazisində maşını qaraja qoyub evə gedirdim. Tək idim,ən azı 6 it hücum etdi. Qol, bud, ayaq, sifət və əlimdən yaralandım. Onlardan birinin boynunu qırmışam. Birdən insane qeyri-adi güc gəlir”.