Sosial şəbəkələrdə şikayətini dərc edən İzzət Cəlal ƏƏSMN-nin Biləsuvar Rayon Məşğulluq Xidmətindəndir. İzzət Cəlal bu idarədə rüşvətlə iş görüldünüyndən şikayətçidir. İzzət Cəlal yazır:
"Şikayətim ƏƏSMN Biləsuvar Məşqulluq idarəsindəndir. Deməli, 2-ci qrup əliləm, eşitmə qabiliyyətimdə zəiflik var.
Bir neçə il öncə qanunda çıxdı ki məşqulluq xidmətlərində əlilliyi olan şəxslərə daha çox üstünlük verilməlidir. Mən 3 ildən çoxdur ki məşqulluq idarəsində qeydiyyatdan keçmişəm".
İzzət Cəlalın iddiasına görə o, hələ də işlə təmin olunmayıb.
Daha sonra şikayətçi yazır: "Hətta bir neçə dəfə həmin idarədə tanımadığım idarə işçiləri müəyyən qədər pul qarşılığında işlə təmin edə biləcəklərini dedilər.
Məndən sonra qeydiyyata alınanların 90 faizi işlə təmin olunub. "Azərişıq", "Azərsu", SOCAR və başqa yerlərdə işləyirlər.
Bir sözlə, kim öncədən pulunu verirsə, o da işlə təmin olunur. İndi biz qüsurluyuq deyə ölümə məhkumuq eləmi? Heçmi ədalət yoxdur bu idarələrdə?" //teref.az//

İddia olunanlarla bağlı qarşı tərəfi də dinləməyə hazırıq...