Son aylar adı bir sıra statiska korrupsiyasında və digər qanunsuz hərəkətlərdə hallanan Beyləqan rayon Statistika İdarəsinin rəisi Rövşən Quliyevin yaxın günlərdə işdən azad ediləcəyi gözlənilir.

RealMedia.az “Beyləqan News” səhfəsinə istinadla xəbər verir ki, bu barədə Statistika Komitəsindəki etibarlı mənbədən daxil olan məlumatlarda belə iddia olunur.

Mənbənin iddiasına görə, fəaliyyətlərində ciddi nöqsanlara yol verən və bu üzdən də işdən azad olunacaqları gözlənilən rayon statistika idarələrinin rəisilərinin adları artıq məlumdur. Hətta onların adlarını əks etdirən siyahıda hazırlanaraq komitə sədrinə təqdim olunub. Məhz həmin siyahıda Beyləqan rayon Statistika İdarəsinin rəisi Rövşən Quluyevin adı da qeyd olunub.

Mənbə onu da qeyd edib ki, artıq fəaliyyətində nöqsanlara yol verdiyinə görə Ağstafa rayon Statistika İdarəsinin rəisi işdən azad olunub. Növbəti “işdən azadolma” prosesinin isə yaxın günlərdə baş tutacağı gözlənilir.

Qarşı tərəfin mövqeyini dinləməyə və dərc etməyə hazırıq!