"İyun ayı üçün nəzərdə tutulan birdəfəlik 190 manat yardımı ala bilmirəm".
Bu, HİT.Az-a göndərilən məktubda Gəncənin Məhsəti qəsəbəsi, 26 ünvanında yaşayan Vəfa Quliyeva qeyd edilib.
Onun sözlərinə görə, 190 manat birdəfəlik ödəməni aprel və may aylarında alıb. Amma iyun ayı üçün nəzərdə tutulan ödəniş hesabına köçürülməyib.
V.Quliyeva deyir ki, Əmək və Əhalinin Sosial Müdafiəsi Nazirliyinin 142 Çağrı Mərkəzinə müraciət edib: "Mənə deyildi ki, mayın ödənişini kartından gec çıxardığın üçün iyunun ödənişi verilməyəcək.
Mən may ayının ödənişini kartdan tez çıxarmışam, AFB Bankın Gəncə filialından kartda olan məbləğinin çıxarışını da təqdim edə bilərəm".
Vətəndaş problemlə bağlı nazirliyə şikayət ünvanlayıb.
