İmişli Şəhər meriyası sakinləri zibillik tüstüsündə boğur.

Bu barədə Avropa.info-ya müraciət edən bir qrup sakinlər deyib.

İmişlidə zibillik poliqonu olduğu halda iki gündən bir İmişli Şəhər Mənzil-Kommunal Təsərrüfat Birliyi tərəfindən ətrafdakı zibillər bir yerə yığılaraq yandırılır. Yanğın söndərən çağırmaqdan biz bezdik İmişli Şəhər meriyası bu qanunsuzluqlardan bezmədi. Yanan zibillər arasında kimyəvi maddələr də olur. Bu tüstüdə insan necə yaşasın?

Dövlətimizin koronavirusla apardığı bu zamanda İmişli Şəhər İcra Nümayəndəliyinin tabeçiliyində olan Mənzil-Kommunal Təsərrüfat Birliyi Xan Şuşinski, Babək, K.N.Məmmədov və Rövşən Əbilov küçələrində yaşayan sakinləri zibillik tüstüsündə boğur. Burada yaşayan yaşlı, qadın, uşaq və xəstə insanlar var. Heç olmasa onları düşünsünlər.

Xahiş edirik aidiyyəti qurumlara və şəxslərə səsimizi çatdırasınız ki, bu özbaşınalığa son qoyulsun.