Daha çox sabiq Vergilər naziri Fazil Məmmədovun adamı kimi ad çıxaran Şəmkir rayon icra başçısı Alimpaşa Məmmədovun barəsəində son aylarda yazılan şok məlumatlara görə o artıq həbs olunmalı idi. Lakin göründüyü kimi Alimpaşa Məmmədov hələ də tutduğu vəzifəsinin başındadır və haqqında olunan çoxsaylı şikayətlərə baxmayaraq hələ də istədiyini edir.İcra başçısının bu gücü haradan alması barədə hər hansı bir fikir söyləmək çox şətin olsa da, rayon büdcəsini talamaq yollarına nə isə əlavə etmək olar.İcra Hakimiyyəti sistemində fəaliyyətinə Şəmkirdə başlamış keçmiş vergi işçisi üçün büdcə vəsaitlərinə müxtəlif yollarla əl gəzdirmək o qədər də çətin məsələ deyil.Bunu Alimpaşa Məmmədovun rəhbərliyi altında Şəmkir rayon İcra Hakimiyyəti tərəfindən keçirilmiş,son illərin korrupsiya sxemində aparıcı yer tutan tender prosedurları da açıq aydın göstərir.
Şəmkir rayon İcra Hakimiyyətinin 19.05.2020-ci il tarixdə Şəmkir rayonu,Kür qəsəbəsi S.Vurğun 3A və Şəhriyar 1 ünvanlarındakı çoxmənzilli yaşayış binaları üçün 2(iki) ədəd liftin alınması və quraşdırılması işlərinin satın alınması üzrə keçirdiyi tenderin qalibi “SH MEMORIAL”(VÖEN-8503285771) Məhdud Məsuliyyətli Cəmiyyəti olub. İcra Hakimiyyəti göstərilən ünvanlara iki ədəd liftin quraşdırılması işini həyata keçirmk üçün MMC ilə 104854.8 manat dəyərində müqavilə bağlayıb.
Kommersiya qurumunun hüquqi şəxslərin dövlət reyestrinə daxil edilmiş məlumatlarına görə SH MEMORIAL” Məhdud Məsuliyyətli Cəmiyyəti 01.04.2020-ci il tarixdə 14 saylı Ərazi Vergilər İdarəsində dövlət qeydiyyatına alınıb. Nizamnamə kapitalı 20.00 manat,qanuni təmsilçi PƏRVİN CAVADOV FƏRHAD oğlu olan MMC-nin hüquqi ünvanı ŞƏMKİR RAYONU, DÜYƏRLİ, kəndi göstərilib Mərkəzi Seçki Komissiyasının seçicilərin adbada siyahısında sözügedən kənddə belə bir şəxsin daimi qeydiyyatda olmadığı görsənir.
Açıq tenderin keçirilməsi barədə elanın 15.04.2020-ci tarixdə dərc olunduğunu nəzərə alsaq, 01.04.2020-ci il tarixdə yaradılmış bir MMC ilə belə bir müqavilənin bağlanmasını İqtisadiyyat Nazirliyi yanında Antiinhisar və İstehlak Bazarına Nəzarət Dövlət Xidməti hansı əsaslarla məqbul sayıb?
Şəmkir rayon İcra Hakimiyyətinin 09.06.2020-ci il tarixdə Şəmkir şəhəri Həzi Aslanov, Səməd Vurğun, M.Ə.Sabir, küçələrində abadlıq işlərinin satın alınması üzrə keçirdiyi tenderin qalibi isə “QAFQAZ TƏMİR GROUP” Məhdud Məsuliyyətli Cəmiyyəti olub.İcra Hakimiyyəti sözügedən işlərin həyata keçirilməsi üçün MMC ilə 498901.23 manat dəyərində müqavilə bağlayıb
Kommersiya qurumunun hüquqi şəxslərin dövlət reyestrinə daxil edilmiş məlumatlarına görə “QAFQAZ TƏMİR GROUP” Məhdud Məsuliyyətli Cəmiyyəti də 01.04.2020-ci il tarixdə 14 saylı Ərazi Vergilər İdarəsində dövlət qeydiyyatına alınıb. Nizamnamə kapitalı 20.00 manat,qanuni təmsilçi FƏRHAD CAVADOV KAMAL oğlu olan MMC -nin hüquqi ünvanı ŞƏMKİR RAYONU, DƏLLƏR ÇƏYİR, kəndi göstərilib Mərkəzi Seçki Komissiyasının seçicilərin adbada siyahısında sözügedən kənddə də belə bir şəxsin daimi qeydiyyatda olmadığı görsənir.
Rayon İcra Hakimiyyəti tərəfindən keçirillmiş hər iki tender prosedurunda diqqət çəkən məqam hansılardır? Hər ikisi də eyni gündə yaradılan bu MMC-lərin qanuni təmsilçilərinin ata-oğul olduğunu burada görməmək mümkün deyil. Lakin bu şəxslərin ayrı -ayrı kəndləri hüquqi ünvan göstərmələri və bu ünvanlarda da daimi qeydiyyatda olmamaları İcra Hakimiyyətinin keçirdiyi tendrləri artıq şübhə altına ailmış olur. Burada,yuxarıda qeyd etdiyimiz kimi,dövlət satınalmalarına nəzarət funksiyasını həyata keçirən İqtisadiyyat Nazirliyi yanında Antiinhisar və İstehlak Bazarına Nəzarət Dövlət Xidmətinin bu qanunsuzluqlara göz yumması anlaşılan deyil.Bu sözügedən qurum tərəfindən “Dövlət satınalmaları haqqında” Azərbaycan Respublikasının Qanunun tələblərinin göz görə-görə pozulmasına və bununla da Şəmkir rayon İcra Hakimiyyətinə dövlət vəsaitlərinin mənimsənilməsinə şərait yaratmaqdan başqa bir şeyil.
Bu həm də Salyandan gedib,Şəmkirdə daimi qeydiyyatda olmayan kəndlilərin adına MMC-lər yaradaraq dövlət vəsaitlərini talayan Alimpaşa Məmmədovun keçmiş vergi işçisi kimi axtardığı yollardan biridir.Lakin bu yol nə qədər uzun çəkər,zaman göstərəcək.
Aktualinfo.org
