Bir müddət əvvəl başçısı Dövlət Təhlükəsizlik Xidmətinin keçirdiyi xüsusi əməliyyatla həbs olunan Biləsuvar rayonunda araşdırllası çox məqamlar. DİA.AZ bildirir ki, bu barədə ortadakı rəsmi rəqəmlərə də kifayət qədər şübhəli yanaşmaq lazımdır. Məsələn, 2019-cu ildə Biləsuvar rayonunda dövlət qurumları tərəfindən ümumi məbləği 4 milyon 428 min manat məbləğində 18 tender keçirildiyi məlum olur.
Dia.az-ın məlumatına görə, ən çox tender keçirən qurum Biləsuvar Regional Mədəniyyət İdarəsi olub. Mədəniyyət İdarəsi 7 tenderə 327 min manat xərcləyib. Hər halda DTX-nin eyni zamanda Mədəniyyət Nazirliyində də xüsusi əməliyyat keçirdiyi nəzərə alsaq, sözügedən rayonun Mədəniyyət İdarəsinin açıqladığı rəqəmlərin yenidən təftişi zəruri hesab oluna bilər.
Keçirdiyi tenderlərin ümumi mələği ən çox olan isə Biləsuvar rayon İcra Hakimiyyəti olub. İcra hakimiyyəti ümumi məbləği 3 milyon 681 min 310 manat olan 5 tender keçirib.
Dia.az bildirir ki, rayon üzrə ən çox tender qazanan şirkətlər “Masal-944” MMC, "Xumar-98" firması, “Ayzberq-M” MMC şirkətləridir.
“Ayzberq-M” MMC 4 tenderə 352,5 min manat; "Xumar-98" firması 2 tenderə 187 min manat; “Masal-944” MMC 4 tenderə 118,9 min manat məbləğində qazanıb.
"Perlit" MMC, “Cənub Təmir Tikinti -1 ” MMC rayon üzrə ən böyük məbləğli tenderləri qazanan şirkətlərdirlər.
“Cənub Təmir Tikinti -1 ” MMC 1 tenderə 2,8 milyon manat qazanıb. Tender “Milli Qəhrəman Mübariz İbrahimov küçəsinin abadlaşdırılması və müasir şəhərsalma prinsiplərinə uyğun yenidən qurulması işləri” üzrə keçirilib.
"Perlit" MMC 2 tenderə 754,5 min manat qazanıb.
Bundan başqa rayonda Biləsuvar Suvarma Sistemləri İdarəsi və Biləsuvar rayon Polis Şöbəsi dövlət satınalma müsabiqələri keçiriblər.
