XalqXəbər.Az

www.XALQXEBER.az » Bölgə » Bərdədə maska, spirt və un qıtlığı

Bərdədə maska, spirt və un qıtlığı

Bərdədə maska, spirt və un qıtlığı
27-03-2020, 12:53

Azərbaycanın bütün bölgələrində koronavirus infeksiyasına qarşı ciddi mübarizə aparıldığı halda Bərdə şəhərində bu hal müşahidə olunmur. ANAXEBER.az-a daxil olan məlumatda deyilir ki, koronavirus infeksiyasına qarşı mübarizə başlanandan şəhərin apteklərində spirt və maska yoxa çıxıb. Bu isə insanların gigiyenik qaydalara riayət etməsini çətinləşdirib. “Doğrudur, insanlar maksimum çalışırlar bayıra çıxmasınlar. Amma nəzərə alınmalıdır ki, Bərdədə əksəriyyət həyət evində yaşayır və çoxunun xırda təsərrüfatı var. Bu isə o deməkdir ki, insanlar təsərrüfata baxmaq üçün bayırda olmalıdır. Maskasız, spirtsiz isə bu təhlükəlidir. Amma yerli rəhbərlik məsələyə laqeyd yanaşır”, - deyə sakinlər bildirir.Məlumatda o da bildirilir ki, şəhərdə un qıtlığı da yaranıb. Sakinlər hesab edir ki, bu süni qıtlıqdır. Möhtəkirlər daha çox qazanmaq üçün koronavirus təhlükəsindən istifadə edərək unu qıta çıxarıblar.Şəhərdə dezinfeksiya işləri də ürəkaçan deyil. Bildirilir ki, dezinfeksiya məhlulunun tərkibi əsasən su təşkil edir. “Spirti sanki qaşıqla töküblər. 90 faizi sudur. Belə dezinfeksiya olmaz axı”, - deyə sakinlər bildirib.

XalqXeber.Az

Materiallardan istifadə edərkən sayta mütləq istinad olunmalıdır. Bütün hüquqlar qorunur.