Yağış suları İmişlidə fəsadlar törədib.

Pravda.az-ın xəbərinə görə, rayonun mərkəzi küçəsi - Heydər Əliyev küçəsi gölməçəyə çevrilib.

Rayon rəhbərliyi tərəfindən bununla bağlı heç bir tədbir görülməyib.

Sosial şəbəkələrdə bu məsələ ciddi şəkildə tənqid olunub.

Qeyd: Bir müddət əvvəl mətbuatda İmişli Rayon İcra Hakimiyyətinin başçısı Vilyam Hacıyevin sərvətinin siyahısı yayılmışdı. İmişli Rayon İcra Hakimiyyətindən isə Vilyam Hacıyev barəsində yayılan məlumatın həqiqətə uyğun olmadığı bildirilmişdi. Məlumatda qeyd olunurdu ki, Vilyam Hacıyevin mülk və digər adları çəkilən ölkələrdə heç bir biznesi və əmlakı yoxdur. Hətta o, İmişlidə şəkər zavodunda ailələr üçün tikilmiş yataqxanada, ailəsi ilə birlikdə aylıq 124 manat kirayə haqqı ödəməklə yaşayır.