Mingəçevirdə Icra ve Probasiya Şöbəsinin əməkdaşlarının zorakılığı nəticəsində 8 min manat aliment almalı olan qadın infarkt keçirib.

Moderator.az-a göndərilən .şikayət məktubunda belə iddia olunur.

Bildirilir ki, hadisə ötən gün saat 19 radələrində Mingəçevirdəki "Karyer" deyilən ərazidə baş verib. Nəticədə Mingəçevirin Təcili Tibbi Yardım briqadası hadisə yerinə gələrək qadına ilkin tibbi yardım göstərmək zorunda qalıb.

Olayla bağlı zərərçəkmişin nümayəndəsi Bəşirova Sultan Eldar qızı baş prokuror və ədliyyə nazirindən olayın araşdırılmasını və günahkarların cəzalandırılmasını xahiş edir.