XalqXəbər.Az

www.XALQXEBER.az » Bölgə » Əhmədzadənin aldığı 350 min dollarlıq texnikanı batırdılar - Polis rəisinin tragikomik ov macərası

Əhmədzadənin aldığı 350 min dollarlıq texnikanı batırdılar - Polis rəisinin tragikomik ov macərası

Əhmədzadənin aldığı 350 min dollarlıq texnikanı batırdılar - Polis rəisinin tragikomik ov macərası
16-02-2017, 10:32

Meliorasiya və Su Təsərrüfatı ASC İmişli Hidroqovşaq İstismar İdarəsininin rəisi çıxılmaz duruma düşüb

Bu barədə İmişlidəki mənbə məlumat verib.

Müsahibimiz deyib ki, bir neçə gün öncə İmişli rayon Polis Şöbəsinin rəisi Ayaz Cəfərov yaxın dostları ilə "Şərbət gölü” adlanan ərazidə ova çıxıblar.

Ov zamanı rəisin və dostlarının avtomobili palçığa batıb. Ərazi bataqlıq olduğundan avtomobili oradan çıxarmaq mümkün olmayıb. Bu səbəbdən də polis rəisi "Meliorasiya və Su Təsərrüfatı" ASC İmişli Hidroqovşaq İstismar İdarəsininin rəisi Mirqoca Mirişovdan yardım istəyib.

İdarə rəisi isə ACS-nin böyuk çayların deltasını təmizləmək üçün 350 min dollara aldığı yeni texnikanı əraziyə göndərib. "Ovçu”ların avtomobili bataqlıqdan çıxarılsa da, 350 min dollarlıq texnikanın özü batıb. Bataqlıqdan çıxmaq üçün edilən bütün cəhdlər puça çıxıb, əksinə texnika 750 metr lilin içərisinə batıb.

Məlumatda iddia olunur ki, hazırda hadisə Meliorasiya və Su Təsərrüfatı ASC-nin rəisi Əhməd Əhmədzadədən gizlədilir. İdarə rəisi 350 minlik texnikanı bataqlıqdan çıxarmaq üçün müxəlif vasitələrə əl atsa da, hələlik istəyinə nail olmayıb.

Mütəxəssislər bildirirlər ki, ərazinin tamamilə bataqlıq olması səbəbindən texnika yalnız çəkici təyyarə vasitəsi ilə çıxarıla bilər. Hazırda həmin əraziyə qaravulçu qoyulub.

Onu da nəzərə çatdıraq ki, həmin ərazidə ov etmək qadağandır. Bir neçə gün öncə ərəb turistlər həmin gölün ətrafında qanunsuz ov elədikləri üçün külli miqdarda cərimələniblər.

Məsələylə bağlı tərəfləri dinləməyə hazırıq.

XalqXeber.Az

Materiallardan istifadə edərkən sayta mütləq istinad olunmalıdır. Bütün hüquqlar qorunur.