Beyləqanda pensiyaların verilməsi gecikir. AzEuroNews.com-a rayondan bildirilib ki, təqaüdçülərin əksəriyyəti aylıq kredit ödəyiciləridir.

Onlar oktyabrın təqaüdlərini ala bilməyiblər. Banklar isə onların qarşısına götürdükləri kreditləri vaxtında ödəmə tələbi qoyurlar.

Pensiyaçılar təqaüdlərin gecikməsinin səbəbini bilmirlər. Dövlət Sosial Müdafiə Fondunun yerli şöbəsindən də hər hansı izah verilməyib.

Beyləqanlı təqaüdçülər Əmək və Əhalinin Sosial Müdafiəsi Nazirliyinin mövqeyini gözləyirlər.