17 avqust 2017-ci il tarixdə Şirvan şəhər Heydər Əliyev Meydanında “Vətənim Azərbaycan” adlı sərgi-tədbir keçirilib
Tədbir Hacıqabul rayon Heydər Əliyev Mərkəzinin və Şirvan şəhər Mədəniyyət Mərkəzinin birgə təşkilatçılığı ilə Mədəniyyət və Turizm Nazirliyinin 05 iyun 2017-ci il tarixli, 1804/04 nömrəli məktubunun icrası ilə əlaqədar yay aylarında bölgələrə gələn xarici və yerli turistlər eləcə də şəhər sakinlərinin yay istirahətlərinin səmərəli təşkili məqsədilə reallaşdırılıb.
Tədbirdə Şirvan şəhər İcra Hakimiyyəti başçisinin birinci müavini Samit Abiyev, Şirvan şəhər Heydər Əliyev Mərkəzi,Şirvan şəhər Tarix-diyarşünasliq muzeyi,Şirvan şəhər Mərkəzi Kitabxanası,Şirvan Dövlət Rəsm Qalereyası,Şirvan şəhər Bələdiyyəsi,Şirvan şəhər Statistika İdarəsi,Haciqabul rayon Heydər Əliyev Mərkəzi,Haciqabul rayon Mədəniyyət Mərkəzi,Sabirabad Regional Mədəniyyət və Turizm İdarəsinin Haciqabul rayon nümayəndəliyi və şəhər sakinləri iştirak ediblər. Qonaqlara Hacıqabul rayon Heydər Əliyev Mərkəzinin direktoru Aytən Zülfəliyeva, baş fond mühafizi Bahar Abasova sərgidə olan əsərlər barədə və Mərkəzdə fəaliyyət göstərən kurslar barədə ətraflı məlumat verdi. Sərgidə 15-dən çox rəssamın 50-dək sənət əsərləri nümayiş edilib. Sərginin ekspozisiyasında vətənpərvərlik,qəhrəmanliq,təbiət mövzusuna həsr olunan əsərlər yer alıb.Şirvan və Hacıqabul mədəniyyət işçilərinin birgə əməkdaşlığı bundan sonra da davam edəcək.Sentyabr ayında daha böyük sərginin Hacıqabul rayonunda Heydər Əliyev parkında keçirilməsi planlaşdırılır.
