XalqXəbər.Az

www.XALQXEBER.az » Bölgə » Ağstafada büdcə pulunun yarısını xərcləyirlər, yarısını da "yeyirlər"... - ŞİKAYƏT

Ağstafada büdcə pulunun yarısını xərcləyirlər, yarısını da "yeyirlər"... - ŞİKAYƏT

Ağstafada büdcə pulunun yarısını xərcləyirlər, yarısını da "yeyirlər"... - ŞİKAYƏT
3-08-2017, 11:56

Ağstafa rayonunun Qarayazı kəndindən bir qrup sakin müraicət edib. Sakinlər bildirirlər ki, yaxın günlərdə kəndin küçələrinə asfalt üzlük döşənməsi planlaşdırılır. Bununla bağlı artıq hazırlıq işləri görülür. Amma nə qədər qəribə olsa da, asfalt örtüyün yarıya qədər salınması planlaşdırılıb.

Kənd sakini Yusif Yusifov şikayətində bildirir ki, kəndin daxili küçələri tam təmir edilmir: "Təsəvvür edin, məktəbin yanında sağa və sola iki küçə ayrılır və bu küçələr kəndin əsas küçələridir. Bu günlərdə "Körpü-Bina-Tikinti" MMC ərazidə hazırlıq işləri görməyə başladı. Və nə qədər qəribə olsa da, hazırlıq işləri yolun hamısına aid edilmir".
"Hər küçədə 200 metrə qədər məsafəyə asflat salınmayacaq. Bu da o deməkdir ki, qışda küçənin bir başı təmiz, digər tərəfi isə, palçıq, su, çirkab içində olacaq. Bu, həm də küçənin təmir olunmayan hissəsində yaşayan sakinlərə qarşı ayrı-seçkilikdir" — Yusifov əlavə edir.
Kənd sakininin sözlərinə görə, məsələ ilə bağlı şirkətin nümayəndələrinə müraciət ediblər: "Şirkət işçiləri bizə bildirdilər ki, yol layihə ilə təmir edilir və layihədə asfalt çəkilməyən hissə qeyd edilməyib. Dedilər ki, layihəmizdə yolun yarıya qədər təmir edilməsi nəzərdə tutulub".
"Düzü, biz layihəni görməmişik. Amma bilirik ki, Prezident yolların təmiri üçün vəsait ayırıb. Və ola bilməz ki, ayrılan vəsaitlə kəndin küçələrinin yarısı təmir edilsin, yarısı yox" — şikayətçi vurğulayır.
Yusif Yusifov onu da diqqətə çatdırır ki, kənd sakinlərindən Nəriman Əfəndiyev, Elman Məmmədov, Musa Həsənov, Vəfadar Məmmədov, Elxan Mustafayev, Nəbi Hacıyev və digər ərazi sakinləri onun bu şikayətinə qoşulur və aidiyyatı qurumdan onların şikayətinin təmin edilməsini tələb edirlər.
Ağstafada büdcə pulunun yarısını xərcləyirlər, yarısını da "yeyirlər"... - ŞİKAYƏT
Ağstafada büdcə pulunun yarısını xərcləyirlər, yarısını da "yeyirlər"... - ŞİKAYƏT
Ağstafada büdcə pulunun yarısını xərcləyirlər, yarısını da "yeyirlər"... - ŞİKAYƏT

XalqXeber.Az

Materiallardan istifadə edərkən sayta mütləq istinad olunmalıdır. Bütün hüquqlar qorunur.