Türkiyədə Azərbaycan əsilli Təranə Yaman adlı qadın ov tüfəngi ilə öldürülüb.
Xalqxeber.az "DHA"ya istinadla xəbər verir ki, 45 yaşlı qadın ailəvi dostlarının evində ölmüş vəziyyətdə tapılıb.
Hadisə Türkiyənin Nevşehir vilayətinin Avanos qəsəbəsində qeydə alınıb. Təranə Yamanın iki uşaq anası olduğu bildirilir. O, dünən hadisənin baş verdiyi Avanosa gedib. Orada ailəvi dostu Duran A. ilə görüşüb.
Sonradan Duran A. da yoxa çıxıb. Onun Kayseridə qatar vurması nəticəsində öldüyü məlum olub.
Hər iki hadisə ilə bağlı cinayət işi açılıb. Araşdırma aparılır.
