XalqXəbər.Az

XalqXeber.Az » Hadisə » "Rəmzi S” şirkətinin işçisi torpağın altında qalaraq ölüb

"Rəmzi S” şirkətinin işçisi torpağın altında qalaraq ölüb

"Rəmzi S” şirkətinin işçisi torpağın altında qalaraq ölüb
8-04-2021, 11:45

Abşeron rayonunda fəhlə torpağın altında qalaraq ölüb.
 
Rayon prokurorluğundan verilən məlumata görə, aprelin 4-də saat 17 radələrində Abşeron rayonu, Aşağı Güzdək qəsəbəsi ərazisində yerləşən boya istehsalı fabriki olan “Rəmzi S” MMC-də fəhlə işləyən Usubov Adəm Famil oğlu ölüb.
 
Faktla bağlı Abşeron rayon prokurorluğunda Cinayət Məcəlləsinin 314.2-ci (səhlənkarlıq, ehtiyatsızlıqdan zərərçəkmiş şəxsin ölümünə və ya digər ağır nəticələrə səbəb olduqda) maddəsi ilə cinayət işi başlanıb.
 
İlkin istintaqla müəyyən edilib ki, Adəm Usubov qeyd edilən fabrikdə müəyyən işlər görərkən ətrafa yığılmış torpaq yığınının üzərinə tökülməsi nəticəsində hadisə yerində ölüb.
 
Hazırda iş üzrə zəruri istintaq hərəkətləri davam etdirilir.

[xfvalue_elave] XalqXeber.Az

Materiallardan istifadə edərkən sayta mütləq istinad olunmalıdır. Bütün hüquqlar qorunur.