“Qarabağ” komandasının futbolçusu Elvin Yunuszadə polislə qalmaqal yaşayıb.
Məlumata görə, gecə saatlarında Bakıdakı barlardan birindən sərxoş vəziyyətdə çıxan məşhur futbolçu özünə məxsus "Gelandewagen" markalı maşına minib.
Yol polisinin əməkdaşları Neftçilər prospektində onun idarə etdiyi maşını saxlamaq istəsələr də, futbolçu “saxla” əmrinə tabe olmayıb.
Lakin YPX əməkdaşları avtomobili saxlamağa nail olub. Bu zaman E.Yunuszadə onu saxlayan polis zabiti ilə əlbəyaxa davaya çıxıb.
Nəhayət, futbolçu sərxoşluq müayinəsindən keçmək üçün Alkoqol Sərxoşluğunu Təyin Etmə Məntəqəsinə aparılıb. Lakin müayinədən keçməyən E.Yunuszadə oradan qaçıb.
Qeyd edək ki, Elvin Yunuszadə “Qarabağ”da çıxış edir.

"Ölkə.Az"