SON DƏQİQƏ
XalqXeber.Az » Hadisə » Bakıda ana doğuşda körpəsini itirdi: - "Həkimlər mənimlə çox pis rəftar edirdilər"

Bakıda ana doğuşda körpəsini itirdi: - "Həkimlər mənimlə çox pis rəftar edirdilər"

Tarix:

27-12-2019, 14:02

/ 1 205 dəfə oxundu.
Bakıda ana doğuşda körpəsini itirdi: - "Həkimlər mənimlə çox pis rəftar edirdilər"

"Başımın üstündə qışqıran 7-8 adam, kimin nə dediyini anlamıram, mənlə elə sərt rəftar etdilər, elə abırsız sözlər dedilər ki, bu travmanı heç vaxt unuda bilməyəcəm. Özü də ilk hamiləliyimdə”.

Bu sözləri “Qafqazinfo”ya müraciətində vizajist Aydan İsayeva Qara Qarayevdə yerləşən 7 nömrəli doğum evində doğuş günü başına gətirilənlərdən danışarkən deyib

O qeyd edib ki, dekabrın 23-ü gecəsi saat 2-də doğuş olub: “Həkimim Gülgəz Süleymanova idi. Onunla əlaqə saxladıq, dedi ki, hələ tez olar, məni mamaça adlandırdığı Vüsalə adlı birinə tapşırdı. Bu qadın və köməkçiləri mənimlə çox pis rəftar etdilər. İki nəfər qarnımı şiddətlə sıxdı. Güc-bəlayla uşaq doğuldu. Doğulanda isə dedilər ki, bu nədir belə, gözlərinə baxın bir. Başımı qaldırıb baxanda artıq uşağı ağ dəsmala büküb apardılar.

Doğuşa qədər keçdiyim bütün müayinələrdə doplerdə də uşaqda hər hansı qüsur olduğu deyilməmişdi.

Sonra məlum oldu ki, uşaq boğularaq ölüb, bunlar doğuşu vaxtında etməyiblər. Mənə yaxınlarımla əlaqə saxlamağa imkan vermədilər. Sonra öz həkimim gəlib çıxdı və dedi ki, uşaq sən demə, bədəndə 2 sutka əvvəl ölübmüş. Əgər uşaq 2 sutka əvvəl ölsəydi, zəhərlənmə verərdi. Uşaq qarnımda tərpənirdi. Onu müayinə üçün ekspertizaya göndərdilər. Dedilər ki, cavab 1 aya çıxacaq. İndi cavabı gözləyirik, ondan sonra lazımi addımları atacağıq”.

Məsələ ilə bağlı ginekoloq Gülgəz Süleymanova bildirib ki, pasiyentinin xəstəxanaya gəlməyi ilə doğmağı 5 dəqiqə çəkib:

“Mənim təyyarəm də olsaydı, çata bilməzdim. Gecə 02:45-də xəstəxanaya daxil olub, saat 03:00-da doğuş olub. Bunlar hamısı kameralara düşüb. Mən gələndə artıq doğulmuşdu. Bütün proseslər qeydə alınıb.

Orada növbətçi həkim Vüsalə İbadova olub. Onunla heç bir kobud rəftar edilməyib. Ekspertizanın rəyini gözləmək lazımdır”.

Şərhlər

XƏBƏR LENTİ