Türkiyənin Mersin vilayətində qadınları fahişəliyə cəlb edən azərbaycanlılar tutulub

Vilayətin Mezitli qəsəbəsində Çiftçiköy məhəlləsində yerləşən mənzillərdən birində qadınların pul qarşılığında fahişəlik etmələrilə bağlı polis bölməsinə məlumat daxil olub.

Polis həmin ünvanda müşahidələr aparıb, binaya girib-çıxan şəxsləri araşdırıb. Məlum olub ki, bura gələn kişilər eskort saytlardan əlaqə yaratdıqları qadınlara intim xidmət qarşılığında 150 türk lirəsi verirlər.

Qeyd olunan ünvanda əməliyyat keçirilib, azərbaycanlı 4 qadınla birlikdə 7 kişi saxlanılıb. Şübhəlilərdən 3-ü və 2 azərbaycanlı qadının ifadəsi alındıqdan sonra sərbəst buraxılıb. S.M. və İ.N. adlı digər azərbaycanlı qadınlara “fahişəliyə yardım etmə və fahişəliyə cəlb etmə” maddələrilə cinayət işi açılıb. Hər iki şəxs saxlanılıb.