Əməliyyatçılar isti izlərlə onun kim olduğunu aydınlaşdırıb

Dünən axşam saatlarında Lənkəranda 57 yaşlı xanım jurnalisti vuraraq onu ağır vəziyyətdənhadisə yerində qoyub qaçan sürücü saxlanılıb.

Məlumata görə, əməliyyatçılar isti izlərlə aydınlaşdırıb ki, qaçan sürücü Masallı rayonunun Musaküçə kənd sakini 1958-ci il təvəllüdlü Həsənov Bağı Məmmədhəsən oğludur.

O, piyadanı idarə etdiyi VAZ 21099 markalı maşınla vuraraq aradan çıxa bilib. Hadisə Ələt-Astara magistral yolunun Liman şəhəri ərazisində, “Azpetrol” yanacaq doldurma məntəqəsinin yaxınlığında baş verib.

Xatırladaq ki, Xırdalan şəhər sakini, 1960-cı il təvəllüdlü Dəstəgül Əzəmət qızı Şəmiyeva Liman şəhəri ərazisində yolu keçmək istəyərkən maşın onu vurub.

D. Şəmiyeva ağır kəllə-beyin travması ilə Lənkəran rayon mərkəzi xəstəxanasına çatdırılsa da, onun həyatını xilas etmək mümkün olmayıb. Onun şair-jurnalist olduğu bildirilir.

Faktla bağlı araşdırma aparılır.