Bakıda dəhşətli hadisə baş verib. “Qafqazinfo” xəbər verir ki, hündürmərtəbəli binada bir neçə nəfər İran vətəndaşını aşağı atıb.

Nəsimi Rayon Polis İdarəsinin 20-ci Polis Bölməsindən bildirilib ki, həqiqətən də bir nəfər İran İslam Respublikasının vətəndaşı binadan yerə düşüb və vəfat edib.

PB-dən əlavə məlumat verilməyib.

***

Hadisə paytaxtın Nəsimi rayonu, Azadlıq prospekti ev 108, mənzil 15 ünvanında qeydə alınıb.

Həmin ünvanda kirayədə yaşayan, İran İslam Respublikasının vətəndaşı, 1993-cü il təvəllüdlü Nəzəri Əmir Cəlil oğlu sərxoş vəziyyətdə özünü binanın 4-cü mərtəbəsindən atıb.

O, aldığı xəsarətdən hadisə yerindəcə keçinib.

Məlumata görə, Nəzəri Əmir Azərbaycan Tibb Universitetinin tələbəsidir. O, intihar etməzdən əvvəl sevdiyi qızla dalaşıb.