TƏBİB qızılcadan ölən tələbə ilə bağlı məlumat yayıb.
Qurumdan verilən məlumata görə, ötən il dekabrın 30-da 2002-cü il təvəllüdlü (cinsi qadın) vətəndaş Cəlilabad Rayon Mərkəzi Xəstəxanasının Reanimasiya şöbəsinə ağır vəziyyətdə hospitalizasiya olunub.
Ona dəqiqləşdirilməmiş pnevmoniya diaqnozu qoyulub.
Pasiyentə zəruri tibbi yardım göstərilsə də, həkimlərin səylərinə baxmayaraq 4 yanvar saat 10:30 radələrində vəfat edib.
***
saat 17:01
Cəlilabad rayon sakini qızılca xəstəliyindən vəfat edib.
Rayonun Sabirabad kənd sakini Sevil Cabbar qızı İbayeva bu gün Cəlilabad Rayon Mərkəzi Xəstəxanasında dünyasını dəyişib.
Məlumata görə, o, ötən ayın 26-dan xəstəxananın infeksion xəstəliklər şöbəsində qızılca xəstəliyindən müalicə alırmış.
Qeyd edək ki, mərhum Azərbaycan Dövlət Pedaqoji Universitetinin sonuncu kurs tələbəsi olub.
.jpg)
