Nazirin bacanağının şirkəti FHN-nin 459 min manatlıq tenderinin qalibi oldu – FOTO

Nazirin bacanağının şirkəti FHN-nin 459 min manatlıq tenderinin qalibi oldu – FOTO Fövqəladə Hallar Nazirlyinin sifarişçi olduğu 459 min manatlıq tenderin qalibi nazir Kəmaləddin Heydərovun bacanağı Hikmət İsmayılova məxsus olan şirkətdir.

Bu barədə araşdırmaçı jurnalist Cavanşir Həsənli feysbuk səhifəsində yazıb: “Fövqəladə Hallar Nazirlyi nazirliyin aparatının və strukturuna daxil olan qurumların ehtiyaclarını təmin etmək üçün poliqrafiya məhsullarının satın alınması üzrə 459 379.19 manatlıq tenderin “qalibi”ni bu gün elan edib.

Qalib şirkət elə Kəmaləddin Heydərovun öz şirkəti – CBS-PP MMC-dir. Kommersiya qurumlarının dövlət reyestri haqqında məlumat bazasında bu şirkətin 1998-ci ildən fəaliyyət göstərdiyi, qanuni təmsilçisinin isə Kəmaləddin Heydərovun bacanağı – HİKMƏT İSMAYILOV ƏBUZƏR OĞLU olduğu qeyd edilib.

Şirkət 2010-cu ildən indiyədək (sonuncu tender istisna olmaqla) əksəriyyəti FHN, Dövlət Gömrük Komitəsi və Vergilər Nazirliyindən olmaqla ümumi həcmi 1 milyon manat civarında, 30-dan artıq dövlət satınalması üzrə qalib elan olunub”.
Nazirin bacanağının şirkəti FHN-nin 459 min manatlıq tenderinin qalibi oldu – FOTO
Geri qayıt