Rusiyada hava şəraitinin kəskin pislşməsi nəticəsində mövsümi məhsullar 2 dəfə bahalaşıb.

xalqxeber.az “İzvestiya” qəzetinə istinadən xəbər verir ki, bu barədə Kənd Təsərrüfatı Nazirliyi məlumat yayıb. Qeyd edilir ki, iyunda kələmin qiyməti ötən ilin müvafiq dövrü ilə müqayisədə 73,8 faiz bahalaşıb. Nəticədə kələm 46,7 rubl təşkil edib. Kartofun qiyməti isə 56,6 faiz qalxıb. Hazırda Rusiyada 1 kiloqram kartof 44,8 rubldır.

Bahalaşan məhsullar arasında soğan, kök də var. Bununla belə pomidor və xiyar 15,1 faiz ucuzlaşıb. Rusiyada pomidorun kiloqramı 191 rubldır. Alma isə 101 rubl təşkil edir.

Qeyd edək ki, Azərbaycandan Rusiyaya, əsasən, meyvə-tərəvəz məhsulları ixrac edirlər. Bu ölkədə məhsulların bahalaşması yerli istehsalçıların biznesinə müsbət təsir edəcək.