"Muğan Bank”ın 2017-ci il üzrə maliyyə nəticələrini məlum olub.

Bank ötən ili 6,341 milyon manat xalis zərərlə başa vurub.

Ötən il "Muğan Bank”ın faiz gəlirləri 42,812 milyon manat, faiz xərcləri 16,193 milyon manat, qeyri-faiz gəlirləri 10,897 milyon manat, qeyri-faiz xərcləri 24,844 milyon manat, xüsusi ehtiyatlara ayırmaları isə 19,013 milyon manat təşkil edib.

Bu il yanvarın 1-nə "Muğan Bank”ın aktivləri 480,177 milyon manat olub ki, bu da illik müqayisədə 2% çoxdur. Bunun 349,071 milyon manatı müştərilərə verilmiş xalis kreditlərdir. 2017-ci ildə Bankın kredit portfeli 0,9% böyüyüb.

Hesabat dövründə "Muğan Bank”ın öhdəlikləri 0,9% artaraq 411,16 milyon manat olub. Bunun 201,754 milyon manatı müştərilərdən alınmış depozitlərdir. Ötən il Bankın depozit portfeli 5% böyüyüb.

İl ərzində "Muğan Bank”ın balans kapitalı 9,1% artaraq 69,017 milyon manata, nizamnamə kapitalı isə 13,3% artaraq 85 milyon manata çatıb.