Azərbaycandan Rusiyaya tədarük olunan 52,5 ton kənd təsərrüfatı məhsulu Dağıstanın "Yaraq-Qazmalar" gömrük-keçid məntəqəsində saxlanılıb.

Bu haqda FED.az "Novosti" agentliyinin yerli bürosuna istinadən məlumat yayıb.

Bildirilir ki, məhsulun saxlanılmasına səbəb saxta fitosanitar sertifikatların mövcudluğudur.
Saxlanılan məhsullar arasında 16,780 min kq nar, 18,025 min kq pomidor və 17,750 min kq xiyar var.

Saxlanılan meyvə-tərəvəz Azərbaycana qaytarılıb.