Bir zamanlar Prezident Administrasiyasında kuratorluq edən, ardından uzun müddət Masallıda başçı postunu tutan, hazırda isə Ağcabıdinin İH başçısı olan Rafil Hüseynovla bağlı yaxın günlərdə qərar verilə bilər. Bu barədə DİA.AZ-a etibarlı mənbələrdən məlumat verilib.

Xəbəri verən qaynaq iddia edir ki, hələ də PA-da kifayət qədər ciddi əlaqələri olan və bu səbəbdən himayə olunan Rafil Hüseynov əslində keçmiş PA rəhbəri Ramiz Mehdiyevin adamı kimi qəbul olunub.

Mənbə bildirib ki, məhz bu məqam Ağcabədi ilə bağlı qərarın verilməsini zəruri edib: "Rafil Hüseynov yetərincə görəvdə saxlanıldı. İndi onun fəaliyyətinin araşdırılması üçün hərəkətə keçilir".

Əlavə bilgilərimiz olacaq. Bizi izləməyə davam edin.

İddia olunanlarla bağlı dia.az olaraq qarşı tərəfi də dinləməyə hazırıq.