Naxçıvan Muxtar Respublikasının daxili işlər naziri, general-leytenant Əhməd Əhmədovun vəzifəsindən kənarlaşdırılacağı barədə redaksiyamıza məlumat daxil olub.
Belə ki, verilən informasiyada deyilir ki, Əhməd Əhmədovun yaxın günlərdə istefaya göndəriləcəyi gözlənilir.
Buna səbəb onun Naxçıvan Muxtar Respublikasının Ali Məclisinin sədri Vasif Talıbovla arasında yaranan problemlərdir.
Verilən məlumatda qeyd olunur ki, artıq Vasif Talıbovun əmri ilə Naxçıvan Muxtar Respublikasının Daxili İşlər Nazirliyinin daxili qoşunlarının komandanı İlkin Novruzov tutduğu vəzifədən azad edilib. Əhməd Əhmədovun səlahiyyətləri isə onun müavininə verilib.
Əldə etdiyimiz məlumatda bildirilir ki, onun nazir postunda qalması hələlik formal xarakter daşıyır. Çünki bütün səlahiyyətlərin icrası general-leytenantın müavininə həvalə edilib.
Qeyd edək ki, əslən Şərurun Tumaslı kəndindən olan Əhməd Əhmədov 2000-ci ilin iyun ayından Naxçıvan Muxtar Respublikasının daxili işlər naziridir.

Gununsesi.info