“Hesab edirəm ki, Rusiya bizim dost, müttəfiq və qonşumuz kimi Azərbaycan və Ermənistan arasında dövlətlərarası münasibətlərin nizamlanmasına yardım etməkdə xüsusi rola malikdir ”

Bunu Azərbaycan prezidenti İlham Əliyev Rusiyanın xarici işlər naziri Sergey Lavrovla görüşündə bildirib. 

Ölkə başçısı Rusiya hökumətinə və Lavrova bu prosesdə fəal iştirakına görə təşəkkür edib.

Əliyev həmçinin ümidvar olduğunu bildirib ki, 2023-cü il Bakı ilə İrəvan arasında əlaqələrin qurulması baxımından sıçrayış ili olacaq .

Bundan əvvəl Rusiyanın xarici işlər nazirinin fevralın 27-də axşam saatlarında Azərbaycana işgüzar səfərə gəldiyi bildirilirdi . Rusiya xarici işlər nazirinin Azərbaycana səfəri 2022-ci il fevralın 22-də imzalanmış müttəfiqlik əməkdaşlığı haqqında ikitərəfli bəyannamənin birinci ildönümünə təsadüf edir.

XalqXeber.Az