XalqXəbər.Az

XalqXeber.Az » Gündəm » "Bakı Beynəlxalq avtovağzalında camaatın cibinə girirlər" - GİLEY

"Bakı Beynəlxalq avtovağzalında camaatın cibinə girirlər" - GİLEY

"Bakı Beynəlxalq avtovağzalında camaatın cibinə girirlər" - GİLEY
6-12-2022, 20:37

 
Bakı Beynəlxalq Avtovağzalından sərnişin gileyi, gediş haqqlarının süni artımı, biletlərin baha qiymətə satışı məsələsi demək olar ki, ilin 12 ayı gündəmdəki yerini heç boş qoymayan mövzulardan biridir.


Belə ki, Qazax rayon sakini Mircəfər Hüseynzadənin "DogruXeber.az"a bildirdiyinə görə o Cəlilabad rayonuna getmək istərkən Bakı Beynəlxalq avtovağzalında bir neçə qanun pozuntularının şahidi olub.

Onun sözlərinə görə Cəlilabad marşrut xətti üzrə avtobusların biletinin üzərində qeyd edilən qiyməti 5.10 (beş, on ) AZN -dir. Lakin, biletlər 5.50 (beş, əlli) manata sərnişinlərə satılır. Hətta, biraz nabələd sərnişinlərə 6.00 (altı) manata satılır.

Üstəlik, bütün bunlar azmış kimi bəzən də kassirlər "bilet yoxdur" deyib, sərnişinləri sürücülərin, yaxud dispetçerlərin üzərinə yönləndirirlər. Onlar da biletin axırı imiş kimi min bir minnətlə əvvəldən paçka ilə alıb özlərində saxladıqları biletləri baha qiymətə sərnişinlərə sırıyırlar.

Bu kimi problemlərlə rastlaşmış çoxsaylı vətəndaşlar da təsdiqləyər ki, avtovağzalda belə hallar daha çox bayramlarda yaşanır.
Qarşıdan da yeni il gəlir.

Odur ki, mövzuya yenidən qayıdacağıq.

Redaksiyamız hər kəsin söz haqqını tanıyır.

DogruXeber.az

XalqXeber.Az

Materiallardan istifadə edərkən sayta mütləq istinad olunmalıdır. Bütün hüquqlar qorunur.