XalqXəbər.Az

XalqXeber.Az » Gündəm » Qapı-pəncərəsi olmayan Mədəniyyət evinin 3 işçisi var - 16 minə satışa çıxarıldı

Qapı-pəncərəsi olmayan Mədəniyyət evinin 3 işçisi var - 16 minə satışa çıxarıldı

Qapı-pəncərəsi olmayan Mədəniyyət evinin 3 işçisi var - 16 minə satışa çıxarıldı
25-11-2022, 15:04


Əmlak Məsələləri Dövlət Komitəsi tərəfindən 20 dekabr tarixində keçiriləcək hərracda 9 kiçik dövlət müəssisə və obyekti satışa çıxarılacaq.

Yeniavaz.com Komitədən açıqlanan məlumatlara istinadən xəbər verir ki, hərraca çıxarılan kiçik dövlət müəssisələri altındakı torpaq sahəsi ilə birlikdə satılacaq. Hərraca torpaq sahəsi ilə birgə çıxarılan kiçik dövlət müəssisələri sırasında ən yüksək hərrac qiyməti 102 min 500 manata olan Xızı rayonunda yerləşən yardımçı təsərrüfatdır. Qeyd olunan daşınmaz əmlakın ümumi faydalı sahəsi 308.8 kv.m, özəlləşdirilən torpaq sahəsi isə 25 000 kv.m.-dir. Əmlak 15 min manata, torpaq sahəsi isə 87 min 500 manata satışa çıxarılıb.

Bundan başqa Mingəçevir şəhərində yerləşən, sahəsi 147,3 kv. m. olan “İncilli” kafesi 7 500 manata satılır.

Mədəniyyət Nazirliyinin tabeliyində olan Beyləqan rayonu, Milabad qəsəbə Mədəniyyət evi isə 16 min manata satışa çıxarılıb. Sahəsi 929,8 kv. m. olan Mədəniyyət evi 2 mərtəbəlidir.

Marqlıdır ki, qapı və pəncərəsi olmayan Mədəniyyət evinin 3 nəfər işçisi olduğu bildirilir.

Yeniavaz.com

XalqXeber.Az

Materiallardan istifadə edərkən sayta mütləq istinad olunmalıdır. Bütün hüquqlar qorunur.