Samux rayonunun Çobanabdallı kənd sakini rayon icra hakimiyyətinin qazi və şəhid ailələrinə qarşı biganəliyini iddia edir.
Şikayətçi Həsənov Kəramət Nizami oğlunun sözlərinə görə, II Qarabağ savaşında iştirakçı olub, Cəbrayılın azadlığı uğrunda gedən döyüşlərdə ağır yaralanıb, müalicə olunduqdan sonra da Laçın uğrunda döyüşlərə qatılaraq ZƏFƏR GÜNÜNƏDƏK könüllü hərbi xidmətdə olub. Lakin, onun bildirdiyinə görə, ötən ilin dekabrından təxris edilib evinə geri dönəndən bu yana nə yerli icra hakimiyyəti, nə də rayonun hansısa vəzifəli şəxsi onunla maraqlanmır. O hazırda işsizdir və dəfələrlə rayon icra başçısı Alı Qocayevin qəbuluna düşmək cəhdləri puça çıxarılıb. Ona nə öz kəndində, nə də hansısa iş tapılmır. O, ailəsinin dolanışığının acınacaqlı olduğunu bildirərək ölkə rəhbərliyindən yardım istəyir.
Kanalımıza danışan şikayətçi "Cəbrayılın azadlığı uğrunda" və "vətənə xidmətə görə" medalları ilə də təltif edilib.
İnanırıq ki, Samux yetkililəri şikayətçinin timsalında işsizliyin aradan qaldırılması istiqamətində addımlar atacaq. //demokratik.az//