XalqXəbər.Az

XalqXeber.Az » Gündəm » International Medical Centre-də vətəndaşları necə soyurlar? - NARAZILIQ!

International Medical Centre-də vətəndaşları necə soyurlar? - NARAZILIQ!

International Medical Centre-də vətəndaşları necə soyurlar? - NARAZILIQ!
22-09-2021, 14:52

Adının çəkilməsini istəməyən Bərdə sakinlərindən biri Bakıda fəaliyyət göstərən İnternational Medical Centre-də qanunsuzluqla üzləşib. O, ANAXEBER.info-ya ünvanladığı müraciətdə bildirir ki, nəvəsi 2 avqust 2021-ci ildə həmin klinikada əməliyyatla dünyaya gəlib. "Əməliyyat üçün 1200 manat alıblar. Heç bir qəbz təqdim etməyiblər. Bir gündən sonra isə əlavə 775 manat tələb ediblər. Bildiriblər ki, bu, dərmanlara, COVID testin yoxlamaga, və klinikaya kənardan gətirilmiş aparatlara və həkimlərə görədir. Üç gün keçdikdən sonra isə bizə bildiriblər ki, borcunuz 1400 manat olub. Daha 3 gün sonra yenidən 1400 manat əlavə olaraq pul tələb ediblər. Beləliklə, 8 gün klinikada qalan uşaq üçün 4060 manat pul tələb ediblər: 1200 manat ananın əməliyyatı, 2860 manat isə əlavə xərclər üçün", - deyə şikayərçi bildirib. Onun sözlərinə görə, bununla kifayətlənməyib uşağa "Penaqlobin" adlı dərmanın lazım olduğunu deyiblər: "Bu tapılmayan bahalı dərmandır. 4 ampulası 800 manatdır. Biz klinikadan uşağa edilən yardımın görüntülərini tələb etdik. Özünü klinikanın hüquqşünası kimi təqdim edən Bəhram adlı şəxs isə dedi ki, bunun üçün məhkəmə qərarı lazımdır. Beləliklə, bizə görüntüləri təqdim etmədilər. Sizdən xahiş edirəm ki, baş verən bu qanunsuzluğun ictimailəşməsinə və müvafiq qurumların diqqətinə çatdırılmasına yardımçı olasınız". //ANAXEBER.info//

XalqXeber.Az

Materiallardan istifadə edərkən sayta mütləq istinad olunmalıdır. Bütün hüquqlar qorunur.