XalqXəbər.Az

www.XALQXEBER.az » Gündəm » "Çin Karqo" şirkəti Azərbaycan xalqını Milli Dirçəliş Günü münasibəti ilə təbrik edir

"Çin Karqo" şirkəti Azərbaycan xalqını Milli Dirçəliş Günü münasibəti ilə təbrik edir

"Çin Karqo" şirkəti Azərbaycan xalqını Milli Dirçəliş Günü münasibəti ilə təbrik edir
17-11-2020, 14:27

Təbrikdə deyilir:

“Bu gün – 17 Noyabr – birlik və həmrəylik, Vətənə və milli dövlətçiliyə sədaqət kimi nəcib hissləri təcəssüm etdirən Milli Dirçəliş Günüdür. Bu bayram münasibətilə bütün Azərbaycan xalqını ürəkdən təbrik edir, hər bir soydaşımıza cansağlığı, sevgi və səadət arzulayıram! Qoy xalqımızın həmrəyliyi, dövlət müstəqilliyimiz, ölkəmizdə hökm sürən sülh və əmin-amanlıq əbədi olsun!”.

Müstəqilliyimizin bərpa olunmasında əsas amil sayılan 17 noyabr günü tarixə Azərbaycanda antisovet xalq hərəkatının təşəkkül tapmasıyla həkk olunmuşdur.

Azərbaycanın ərazi bütövlüyünə qarşı edilən qəsdlərə və Sovet imperiyasının Qarabağ məsələsi ətrafında apardığı antiazərbaycan siyasətinə etiraz əlaməti olaraq 17 noyabr 1988-ci ildə Bakının Azadlıq meydanında xalqımızın uzunmüddətli mitinqləri başlamışdır. Bu mitinqlər daha sonra milli – azadlıq hərəkatına çevrilmiş və ölkəmizin xaosdan siyasi sabitliyə, iqtisadi tənəzzüldən intibaha uzanan yolunda mayak rolunu oynamışdır.

Bu gün bizi həmin tarixdən 32 illik bir zaman dilimi ayırır. "Çin Karqo" şirkəti, xalqımızın birliyini və istiqlaliyyət naminə mücadiləsini təcəssüm etdirən Milli Dirçəliş günü münasibətilə hər bir azərbaycanlını təbrik edib, ən xoş arzularımızı çatdırırıq.

XalqXeber.Az

Materiallardan istifadə edərkən sayta mütləq istinad olunmalıdır. Bütün hüquqlar qorunur.