XalqXəbər.Az

www.XALQXEBER.az » Gündəm » Elmira Axundovanın Fuad Muradova verdiyi yarım milyonun mənbəyi tapıldı, qaldı digər yarım milyon – ŞOK İDDİA

Elmira Axundovanın Fuad Muradova verdiyi yarım milyonun mənbəyi tapıldı, qaldı digər yarım milyon – ŞOK İDDİA

Elmira Axundovanın Fuad Muradova verdiyi yarım milyonun mənbəyi tapıldı, qaldı digər yarım milyon – ŞOK İDDİA
14-03-2020, 10:47

Ukraynadakı yeni səfirimiz Elmira Axundova barədə “dedi-qodular” səngimək bilmir.

Ovqat.com xəbər verir ki, Ukraynaya səfir təyin olunmamışdan 2 həftə əvvəl mətbuatda bu barədə proqnozlar dərc olunmuş, daha sonra isə həmin “öncədəngörmələr” özünü doğrultmuşdu.

Elmira Axundovanın 1 milyona aldığı səfir mandatı
Təyinatdan öncəki proqnozlara görə, deputat seçilmək istəyi alınmayınca, Elmira Axundova Ukraynaya səfir getmək xəyallarına düşmüş və bu məqsədlə də Diaspora Komitəsinin qapısını döymüşdü. Komitə sədri Fuad Muradova səfir işini düzəltməsi üçün 1 milyon dollar rüşvət verdiyi iddia olunan (iddianın sahibi biz deyilik – xüsusi xatırlatma) Elmira xanımın qısa müddətdən sonra həqiqətən də Ukraynaya göndərilməsi xəbəri yayılınca, məlumatın uydurma proqnozdan ibarət olmadığı ortaya çıxmışdı. Məhz bu hadisədən sonra hər kəsi bir sual maraqlandırmağa başlamışdı: 2005-ci ildən bu yana 3 dəfə dalbadala deputatlıq mandatı qazanmaq ayrıcalığı yaşayan Elmira xanım bu bir milyon dolları hardan tapıb Fuad Muradova verib? Axı deputat deyilən bəndənin kommersiya ilə məşğul olması qanunən qadağandır. Deputat maaşı ilə o qədər məbləği toplamaq üçün isə gərək pul balalaya. Pulun balalamadığını nəzərə alsaq, deməli, onun mənbəyini doğum evində yox, başqa yerlərdə axtarmalıyıq.

Özünün dediyinə görə, jurnalist Cəmil Məmmədli də bu axtarışın izinə düşərək, Bakıdan Qəbələyə qədər gedib. Səfəri uğursuz alınmayıb. Zira axtardığı bir milyonun yarısını tapıb. Sən demə, Elmira xanım Qəbələdəki bir villasını yarım milyona satışa çıxarıbmış. İndi qalır digər yarım milyon. Hamısını Cəmil Məmmədli tapmayacaq ki. İstərsəniz, onu da siz axtarın. Amma mütləq bu videonu izlədikdən sonra. Kim bilir, bəlkə sizləri qalan yarım milyona elə bu video çıxartdı:

Yeni parlamentin qapıları arxasında qalan eks-deputat Elmira Axundova Qəbələdəki imarətini yarım milyon manata satışa çıxarıb.

Bu haqda məlumat alandan sonra Qəbələyə yollandıq. Mətbuatda olan sənədlərdən belə aydın olur ki, imarət 2015-ci ildə inşa olunub.

Baxın, bu qala divarlarını arxasındakı imarəti Elmira Axundova adı böyük dələduzluq işinin əsas fiqurantı kimi mətbuat səhifələrindən düşmədiyi günlərdə tikdirib. Elə onun oğlu Həbib Axundov da dələduzluq işinin əsas siması idi. Ortada 8 milyon manat pul “buxarlanmışdı” və iş üzrə zərərçəkənlər pulların Həbib Axundovda, onun cibində mandat gəzdirən anasında olduğunu istintaqda, məhkəmədə dönə-dönə deyir, ortaya dediklərini təsdiqləyən səs yazıları qoyurdular.

Elmira Axundova isə səs yazıları saytlarda olduğunu bilə-bilə heç nə olmamış kimi danışırdı. Yaxasını dələduzluq işindən kənar saxlamağa, oğlunu da arxasında gizlətməklə vəziyyətdən çıxmağa çalışırdı.

Yenə də mətbuatda yayılan məlumatlardan belə aydın olur ki, Elmira Axundova Qəbələnin gözəgəlimli güşəsində olan bu imarəti məhz həmin günlərdə inşa etdirib.

2015-ci ildə bu imarət tikiləndə Elmira Axundova deputat idi. Deputat mandatını sipərə döndərərək, oğlu Həbib Axundovu həbsdən qoruyur, dələduzluq işinə görə həbsə alınmaması üçün əlindən gələni edirdi. Sonra Həbib Axundovun dostu Elnur İbrahimov qurban verildi, Həbib Axundov çöldə qaldı. Bu həmin Elnur İbrahimovdur ki, böyük dələduzluq sürəci davam etdiyi günlərdə əmisi oğlu Hafiz İbrahimov vasitəsi ilə Elmira Axundovaya günaşırı 5 min manat pul göndərib!

Bu gün mandatsız qalan deputatın oğluna görə neçə-neçə ailənin həyatı cəhənnəmə çevrilib.

Ölkədən didərgin düşən, böyük borcların altında həyatı dağılan insanlar biçarə durumdadır. Onların əllərindən hər nələri vardısa gedib, Elmira Axundova və oğlu Həbib Axundov isə çox böyük varidat əldə ediblər.

Halbuki həmin günlərdə Elmira Axundova elə danışırdı ki, guya acından günorta yuxudan qalxır.

Özünün dələduzluq işinə aidiyyatının olmadığını göstərmək üçün, danışıqlarının inandırıcı olması üçün “Evim də, maşınım da kreditdədir” şəkilində Azvision.az-a açıqlama da vemişdi.

25 noyabr 2014-cü ildə ("Evim də, maşınım da kreditdədir” – Deputat) verdiyi açıqlamada Elmira Axundova “Borcumuz olduğu üçün yüksək məbləğdə kredit götürmüşəm və evimi girov qoymuşam” demişdi. Əlavə etmişdi ki, özü ilə yanaşı oğlunun da adına kreditlər götürüblər:

“Bizdə hamının adına kredit var. İndi kreditdən istifadə etməyən adam yoxdur. Mənim oğlum və özümün adımda iki kredit var. Borcumuz olduğu üçün yüksək məbləğdə kredit götürmüşəm və evimi girov qoymuşam. Faiz yüksək olduğu üçün çox çətindir. İndi kreditsiz ailə yoxdur”.

STOP!!!

Sual:

Əgər 1 il əvvəl Elmira Axundova kredit içində idisə, kredit faizlərinin yüksək olmasından narazılıq edirdisə, 1 il sonra bu gün 1 milyona satışa çıxardığı imarəti hansı pullar hesabına inşa etdirib?

Sualı bir başqa formada da verək - 2014-də kreditlər altında çabaladığını iddia edən biri 2015-də Qəbələdə imarəti hansı pulla tikib?

Elmira Axundova deputat maaşı ilə nə cür olub ki, belə cəh-cəlalı qurub?

Yeri gəlmişkən, Elmira Axundova deputat olanda ayda 1294 manat maaş alıb. Bu, 1 ildə 15 min 528 manat, deputat olduğu 5 il ərzində 77 min 640 manat məvacib deməkdir. Elmira Axundova yeyib içməsydi belə bu imarəti həmin deputat maaşı ilə inşa etdirə bilməzdi.

Hələ bu harasıdır?

Bundan başqa həmin dövrdə - yəni 2015-ci ildə Elmira Axundova Bakının Nəsimi rayonunda, Nəsibbəy Yusifbəyli küçəsi 72 ünvanında 5 mərtəbəli obyekt inşa etdirib. Bu gün həmin ünvanda Elmira Axundovanın “Çardaq” adında çayxana fəaliyyətdədir.

Bu da son deyil!

Elmira Axundova Şüvəlanda bağ evinə, Zaqulbada dövlətin verdiyi ev 2 otaqlı evi, Türkiyədə, Kəmər istirahət zonasına yaxın olduqca bahalı Camyuvada bir neçə mənzilə sahibidir.

Elmira Axundovanın dələduzluq işinə aidiyyatı olmayıbsa, bu mülklərin mənbəyi haradır?

Haradadır o plantasiyalar, hansılardan ki, Elmira Axundova pul yığıb?

Bəlkə plantasiyaların ünvanını bu xalqa da göstərsin?

XalqXeber.Az

Materiallardan istifadə edərkən sayta mütləq istinad olunmalıdır. Bütün hüquqlar qorunur.