Bu gün Nazirlər Kabineti Məcburi Köçkünlərin Sosial İnkişaf Fondunun Müşahidə Şurasının yeni tərkibini təsdiq edib.

Siyahının təsdiqləməsi ilə Qaçqınların və Məcburi Köçkünlərin İşləri üzrə Dövlət Komitəsinin (“Qaçqınkom”) sədr müavini Gəray Fərhadov və əmək və əhalinin sosial müdafiəsi nazirinin müavini Natiq Məmmədov Məcburi Köçkünlərin Sosial İnkişaf Fondunun Müşahidə Şurasının üzvlüyündən çıxarılmış sayılıblar. Gəray Fərhadov baş nazirin müavini Əli Həsənovun xalası oğludur.

Amma təsdiq edilənlər arasında Adil Abdullayev yoxdur. “Avropa Lift Sistemləri” MMC-nin təsisçisi olan Adil Abdullayevin rəsmi dairələrdə yüksək nifuz sahibi olduğu deyilir.

Bu gün Bakı Lift-Təmir İstehsalat Birliyinin sədri Qüdrət Şükürov vəzifəsindən azad edilib. Eldar Əzizovun Qüdrət Şükürovun səlahiyyətlərinin müvəqqəti icraçısı kimi Bakı Şəhər İcra Hakimiyyətinin Şəhər Təsərrüfatı Departamentinin rəhbəri Xalid Ələkbərovu təyin etdiyi bildirilib. Ələkbərov tezliklə lift təsərrüfatında genişmiqyaslı dəyişikliklərin olacağını açıqlayıb.

Lakin daxil olan informasiyaya əsasən Q.Şükürovun yerinə Adil Abdullayev təyin ediləcək. Yuxarıda qeyd etdiyimiz kimi A.Abdullayev baş nazirin etimad göstərdiyi adamlardandır və yaxın günlərdə Bakı Lift-Təmir İstehsalat Birliyinin sədri təyin olunacaq. Adil Abdullayev - “Avropa Lift Sistemləri” MMC-nin təsisçisi, Kiçik və Orta Sahibkarlar İttifaqının prezidentidir. Onu da əlavə edək ki, Qüdrət Şükürov hazırda xarici ölkələrdən birində müalicə alır.

Gundeminfo.az